Sitla Hotel ligg sentralt plassert i Øvre Årdal. I koselege omgjevnader og til ein hyggeleg pris tilbyr me overnatting til deg som er på gjennomreise eller som vil bu sentralt nokre dagar for å oppleva Årdal. Til grupper serverer me frukost og middag. Hotellet er eit ypparleg utgangspunkt for turar i Jotunheimen eller i området rundt Sognefjorden.
Sitla Hotel ligg sentralt i Øvre Årdal med kort avstand til naturperler som Utladalen Landskapsvernområde, Vettisfossen og Jotunheimen Nasjonalpark, og er dermed eit ypparleg utgangspunkt for turar i fjellet.
Litt kort historie
Sitla hotel har hatt ulike rollar opp gjennom. I starten fungerte det som i dag er Sitla hotel som ein ungdomsheim. På dette tidspunktet fanst det inga kyrkje i Øvre Årdal, så kjellaren på Sitla fungerte som kyrkje i Øvre Årdal nokre år.
I 1970 vart Farnes kyrkje bygd, og det som ein gong hadde fungert som kyrkje på Sitla vart no gjort om til uteplassen «Slusken». Slusken er eit lokalt tilnamn på rallarane – dei som arbeidde med å laga den imponerande gamlevegen oppover fjellet mot Heirsnosi i Årdal. Denne vegen kan du gå også frå Sitla hotel i dag, og er ein fin tur for deg som vil opp på «Tusenmeteren» og sjå kor flott bygda, Årdalsvatnet og Bøttejuvet tek seg ut i fugleperspektiv.
Uteplassen eksisterte berre nokre år, og sidan har ulike lag og organisasjonar disponert lokala til ulike føremål. I dag er Sitla eit sjølvbetjent hotel med god standard og ulike romkategoriar som passar ulike behov – både for langtidsopphald og korttidsopphald.
Mat og servering i nærheten
Sitla hotel samarbeider med Best Stasjon i Øvre Årdal og Klingenberg Hotel på Årdalstangen når det kjem til mat.
Som gjest på Sitla Hotell kan du no bestille mat, drikke og frukostvarer levert rett til rommet ditt – enkelt og praktisk!
Slik fungerer det:
-
Levering kvar kveld mellom kl. 21:00 og 22:00
-
Kalde varer blir lagt i kjøleskapet ditt om du ikkje er til stades
-
Varmmat? Gi beskjed dersom du er på rommet når me leverer
-
Bestill når som helst – skann QR-koden på rommet ditt for å starte
-
Vil du heller hente sjølv? Best Stasjon ligg berre 2 minutt unna
På Årdalstangen finn eit breitt mattilbod på Strondi restaurant, kafe og bar – med flott utsikt over Årdalsfjorden frå uteserveringa.
Ein kan også få matservering i somarsesongen på Vetti Gard Turiststasjon – dersom ein blir svolten i løpet av vandringa innover Folkevegen mot Vettisfossen. Vetti Gard Turiststasjon er betjent frå medio juni til medio september kvart år, og er ei oppleving ein verkeleg bør få med seg dersom ein er i Årdal.
Andre mattilbod i Årdal:
Mama Mia i Øvre Årdal (5 min gange)
Tya Bakeri (7 min gange)
Heilmat (5 min gange)
Somarkafè ved Utladalen Naturhus frå skuleslutt kvart år
- 17 dobbeltrom med dusj og toalett
- 3 enkeltrom med dusj og toalett
- 4 minileilihgheter med dusj og toalett i korridoren
- 24 rom totalt
- Mulighet for langtidsopphold
Våre rom
Me har nokre enkeltrom, med moglegheiter for tilpassing etter ditt ynskje. Kvart rom er unikt, så merk av når du bestiller dersom du ynskjer badekar, utsikt eller liknande.
Dobbeltrom med moglegheiter for ei ekstra seng. Fine, romslege rom for par og små familiar. Kvart rom er unikt, så gi beskjed om du ynskjer badekar, utsikt eller liknande.
Er du yrkesreisande eller har andre ærend i Årdal over ein kortare eller lengre periode? Då er Sitla hotel eit godt alternativ med den sentrale plasseringa i Øvre Årdal.
- Tyinosvegen 5, 6884 ØVRE ÅRDAL
- +47 57 66 58 80
- +47 57 62 88 89
- sitla@klingenberghotel.no
Ta kontakt ved spørsmål eller booking
Ofte .
Kva er Klingenberg Resort?
Klingenberg Resort er ei samling overnattingsstader og opplevingar ved Sognefjorden i Årdal. Her finn du Klingenberg Hotel, Sitla Hotel og Vetti Gard Turiststasjon, samt restaurantar og pubar med lokal mat og drikke.
Kvar ligg Klingenberg Resort?
Resorten ligg i Årdal, innerst i Sognefjorden, omgitt av fjell og fjord. Det er kort veg til Utladalen og Jotunheimen nasjonalpark.
Kva er forskjellen på Klingenberg Hotel, Sitla Hotel og Vetti Gard?
- Klingenberg Hotel: komfortabelt hotell på Årdalstangen ved fjorden med restaurant, pub og konferansefasilitetar.
- Sitla Hotel: budsjettvennleg alternativ i Øvre Årdal
- Vetti Gard: historisk fjellgard i Utladalen, open om sommaren, for dei som ønskjer nærleik til natur og stillheit.
Har de eigen restaurant?
Ja, Strondi Restaurant serverer middag kvar dag. Me har også pub med mat og alle rettigheitar. Samt uteservering i sommarsesongen.
Kva opningstider har restauranten?
Opningstidene varierer etter sesong. Dei blir oppdaterte jamleg på nettsida og på Facebook-sida vår.
Kan eg ta med hund?
Ja, enkelte rom på Klingenberg Hotel og Sitla Hotel er hundevennlege. Gje beskjed ved bestilling. (250kr ekstra)
Har de parkering og lademoglegheiter?
Ja, gratis parkering ved hotellet. Det finst også elbillading rett ved Klingenberg Hotel.
Kva aktivitetar og opplevingar tilbyr de?
Gjestar kan utforske fjellturar i Årdal, Utladalen og Jotunheimen, båtturar på fjorden, sykkelturar, sykling, parkleiker, shuffleboard, musikkarrangement, quizkveldar og lokale matopplevingar.
Tilbyr de pakkar eller opphald med middag og aktivitetar?
Ja, me har fleire sesongpakkar – til dømes “Vandrepakke”, og “Opphald med 3-retters middag”. Desse kan bookast via nettsida.
Kan eg bestille pakkar direkte på nett?
Nei, pakkar og overnatting kan reserverast ved å ta kontakt med resepsjon via telefon eller mail
Kva tid er innsjekk og utsjekk?
Innsjekking mellom kl. 15.00 og 22.30
Utsjekking mellom kl. 06.30 og 12.00
Har de konferanse- eller møtelokale?
Ja, Klingenberg Hotel har møte- og konferanserom med teknisk utstyr og servering etter avtale.
Kva er sesongen for Vetti Gard?
Vetti Gard er vanlegvis open frå ca. juni til midten av september. Dato vert annonsert
Korleis kjem eg meg til Årdal?
Du kan køyre via E16 frå Lærdal/Fodnes, Tindevegen eller Tyin, eller ta buss til Årdalstangen. Nærmaste flyplass er Sogndal Lufthavn
Har de gåvekort?
Ja, me sel gåvekort som kan brukast på overnatting, mat og utvalde opplevingar.
Kan eg avbestille bestillinga mi?
Ja, avbestillingsreglar kjem fram i ordrebekreftinga. Dei varierer noko mellom hotell og pakkar.
Kva språk snakkar de?
Me snakkar norsk og engelsk, og tek gjerne imot internasjonale gjester.
Er Klingenberg Resort open heile året?
Klingenberg Hotel og Sitla Hotel er opne heile året. Vetti Gard er sesongbasert.
Kor finn eg meir informasjon?
Du finn oppdaterte tilbod, opningstider og arrangement på klingenbergresort.no og på våre sosiale medium.